Markmið Samhjálpar er að veita bjargir til þeirra einstaklinga sem halloka hafa farið í lífinu, vegna sjúkdóma, fátæktar eða annarra samfélagslegra vandamála og með því stuðla að velferð og sjálfsbjörg þeirra.

Höfuðstöðvar Samhjálpar eru að Stangarhyl 3A í Reykjavík. Þar eru skrifstofur, göngudeild og félagsmiðstöð til húsa og þar fer hluti forvarna- og eftirmeðferðarstarfsins fram, starf sem nú á sér rúmlega 33 ára sögu og hefð í borginni. Starfsemi Samhjálpar skiptist í eftirtaldar greinar:

1. Háborg - félagsmiðstöð.
2. Göngudeildin. Ráðgjafarþjónusta.
3. Maríta. Forvarnasvið.
4. Áfangahúsið Brú . Áfangaheimili eftir meðferð.
5. Kaffistofan. Heitar máltíðir.
6. Dorkas. Hjálparstarf fyrir konur. Systrafélag.
7. Hlaðgerðarkot. Meðferðarheimli í Mosfellsdal.
8. Stuðningsbýlið. Áfangaheimili með miklum stuðning.
9. Heimilið. Heimili fyrir heimilislausa.
10. Gistiskýlið. Neyðarathvarf fyrir heimilislausa karlmenn.

Markmið okkar með vef þessum er að kynna þá starfssemi sem í gangi er hverju sinni, flytja fréttir af starfinu og miðla góðum og gagnlegum upplýsingum. Vonum við einnig að finna megi hér hvatningu og uppörvun í pistlum um leið og og þú fræðist um hvað gerist á hverjum stað fyrir sig.
Þá má skoða dagskrána okkar og finna símanúmer og netföng starfsmanna. Einnig geta þeir sem það vilja styrkt starfið með styrktaráskrift að Samhjálparblaðinu.