Fulltrúar kristinna trúfélaga á höfuðborgarsvæðinu ætla að koma saman til stuttrar bænastundar á Austurvelli n.k miðvikudag, 3. mars, kl. 12:30 til að biðja fyrir þjóðinni og ráðamönnum hennar. Með því vill hópurinn undirstrika að kristið fólk á Íslandi ber hag þjóðarinnar mjög fyrir brjósti.

Hópurinn hefur hist í hádeginu á miðvikudögum í Friðrikskapellu í rúmlega eitt og hálft ár til að biðja fyrir íslensku þjóðinni, velferð hennar og lausn á margvíslegum vanda. Bænastundirnar hófust tveimur mánuðum fyrir hrun og hafa haldið áfram síðan.